जळगाव : गटार व ढापे बांधण्याचे काम पूर्ण केल्यानंतर कामाचे बील अदा करण्यासाठी ११ हजाराची लाच घेताना लाचलुचपत प्रतिबंधक विभागाच्या पथकाने चोपडा तालुक्यातील वर्डी गावातील ग्रामविकास अधिकारी भगवान पांडुरंग यहीदे यांना रंगेहाथ अटक केली.
याबाबत वृत्त असे की, तक्रारदार हे सब कॉन्ट्रॅक्टर असुन, पंधराव्या वित्त आयोग अंतर्गत निधीतून गटार व ढापे बांधण्याचे काम पुर्ण केले असुन सदर कामाचे बिल अदा होणेकामी ग्रामविकास अधिकारी भगवान पांडुरंग यहीदे यांनी तक्रारदार यांच्याकडे त्यांनी केलेल्या कामाचे बिल अदाकरणे कामी पंच साक्षीदारांसमक्ष 12,500 रुपयांची मागणी करून तडजोडीअंती 11,000 रुपये स्वतःच्या आर्थिक फायद्यासाठी स्वीकारले. सापळा कार्यवाही दरम्यान भगवान पांडुरंग यहीदे यांना ताब्यात घेण्यात आले आहे.
सुनिल कडासने पोलीस अधीक्षक, ला.प्र.वि, नाशिक परीक्षेत्र, नारायण न्याहळदे अपर पोलीस अधीक्षक, ला.प्र.वि, नाशिक परीक्षेत्र, सतीश भामरे वाचक पोलीस उपअधीक्षक ला.प्र.वि नाशिक परीक्षेत्र यांच्या मार्गदर्शनाखाली सापळा पर्यवेक्षण अधिकारी अनिल बडगुजर पोलीस उप अधीक्षक, ला.प्र.वि.धुळे यांनी राजन कदम, शरद काटके, संतोष पावरा, मोरे, सुधीर मोरे या पथकासह कारवाई केली.
