जळगाव (प्रतिनिधी) सी. गो. पाटील महाविद्यालयात मराठी भाषा गौरव दिवस साजरा करण्यात आला.
या प्रसंगी मराठी विभाग प्रमुख डॉ. प्रकाश साळुंके यांनी कवीवर्य कुसुमाग्रज यांचा जीवनपट सांगून त्यांच्या साहित्याची, त्यांना मिळालेल्या विविध पुरस्कारांची व मराठी भाषेला समाजामध्ये प्रतिष्ठित भाषेचा दर्जा मिळऊन देण्यासाठी केलेल्या प्रयत्नांनविषयी माहिती सांगितली तर अध्यक्षीय मनोगतातून प्राचार्य डॉ. राजेंद्र अहिरे यांनी मराठी भाषेची गौरवशाली परंपरा जपण्यासाठी आणि जागतिकीकरणाच्या रेट्यात तिची गळचेपी थांबवण्यासाठी मराठी भाषिक म्हणून आपण तिचे जतन व संवर्धन करणे गरजेचे असल्याचे सांगितले. कार्यक्रमाचे सूत्रसंचालन व आभार प्रा. विश्वास भामरे यांनी मानले. यावेळी उपप्रचार्य डॉ. अनंत पाटील, पर्यवेक्षक प्रा. डी. पी. पाटील,शिक्षक -शिक्षकेतर कर्मचारी व विद्यार्थी उपस्थित होते.
