जळगाव (प्रतिनिधी) युवासेना सचिव वरुण सरदेसाई “युवासेना निश्चय दौऱ्या” निमित्त ३० मार्चरोजी जिल्ह्यात येत आहे. ३० मार्चरोजी सकाळी जिल्हा नियोजन भवन सभागृह येथे जळगाव, धुळे व नंदुरबार जिल्ह्यातील युवासेना पदाधिकारी यांना सिनेट निवडणुकीविषयी मार्गदर्शन करणार आहेत.
महाराष्ट्रात होऊ घातलेल्या विद्यपीठ सिनेट निवडणूका युवासेना लढणार आहे. युवासेना प्रमुख आदित्य ठाकरे यांच्या नेतृत्वात मुंबई विद्यापीठातील १० जागा युवासेनेने जिंकल्या होत्या, महाराष्ट्रातील सर्व विद्यापीठात युवासेना सिनेट निवडणूक लढवून भगवा फडकवण्यासाठी सज्ज आहे. युवसेना सचिव वरुण सरदेसाई यांचा महाराष्ट्रात दौरा होत आहे. वरूण सरदेसाई यांच्यासोबत कार्यकारीणी सदस्य अंकित प्रभू, मुंबई विद्यापीठाच्या सिनेट सदस्या शीतल देवरुखकर शेठ, उत्तर महाराष्ट्राचे विभागीय सचिव अविष्कार भुसे, मुंबई विद्यापीठाचे सिनेट सदस्य मिलिंद साटम, विस्तारक कुणाल दराडे, राज्य सहसचिव विराज कावडीया, योगेश निमसे, विस्तारक किशोर भोसले आदी उपस्थित राहणार आहेत.
या कार्यक्रमाला पालकमंत्री गुलाबराव पाटील, शिवसेना संपर्कप्रमुख संजय सावंत, आमदार चिमणराव पाटील, आमदार किशोर पाटील, आमदार लता सोनवणे, आमदार चंद्रकांत पाटील, सहसंपर्कप्रमुख गुलाबराव वाघ, शिवसेना जिल्हाप्रमुख विष्णू भंगाळे, हर्षल माने, समाधान महाजन, महिला जिल्हाप्रमुख महानंदा पाटील, महानगरप्रमुख शरद तायडे व युवासेना पदाधिकारी उपस्थितीत राहणार आहेत.
दौऱ्याच्या यशस्वीतेसाठी युवासेना राज्य सहसचिव विराज कावडीया, जळगाव लोकसभेचे जिल्हा युवाधिकारी शिवराज पाटील, रावेर लोकसभेचे जिल्हा युवाधिकारी चंद्रकांत शर्मा, पंकज राणे, महानगर युवाधिकारी स्वप्नील परदेशी, विशाल वाणी, युवती सेनेच्या वैष्णवी खैरनार, जया थोरात, यशश्री वाघ आदी परिश्रम घेत आहेत.
