शिंदखेडा तालुक्यातील सहा हजार शेतकऱ्यांना 9 कोटी 28 लाख खरीप पिक विमा मंजूर
कृषी मंत्री नामदार दादा भुसे यांच्याकडे केला होता पाठपुरावा ; शिवसेना जिल्हाप्रमुख हेमंत साळुंखे यांच्या प्रयत्नांना यश
शिंदखेडा (यादवराव सावंत) शिंदखेडा तालुक्यातील सुमारे 5 हजार 759 शेतकऱ्यांना खरीप पिक विमा शासनाने मंजूर केला आहे राज्याचे कृषिमंत्री नामदार दादासाहेब भुसे यांच्या आदेशाने शिवसेना जिल्हाप्रमुख हेमंत साळुंखे यांच्या पाठपुराव्याने तालुक्यातील शेतकऱ्यांना गेल्यावर्षीचा खरीप हंगामाचा विमा मिळाल्याने कृषिमंत्री नामदार दादाजी भुसे यांनी दिलेला शब्द पाळल्याची भावना शेतकऱ्यांनी व्यक्त केली आहे.
शिंदखेडा तालुक्यातील शेतकऱ्यांनी गेल्या वर्षी खरीप हंगाम 2021 पिक विमा एकूण 9 हजार 517 शेतकऱ्यांनी काढला होता.त्यात पिकनिहाय विमा काढलेले शेतकरी व त्यांना मिळालेला लाभ पुढीलप्रमाणे असा कि, उडीद पिक 70 शेतकरी शंभर टक्के मंजूर सहा लाख ९६ हजार , मुग 1776 शंभर टक्के दोन कोटी 35 लाख 85 हजार रुपये,तुर पिक 84 शेतकरी मधुन 5 मंजूर 24 हजार रुपये ,ज्वारी 120 शेतकरी मधुन 106 मंजूर 5 लाख 40 हजार रुपये , बाजरी शेतकरी 301 शंभर टक्के मंजूर 9 लाख 83 हजार रुपये, मका शेतकरी 1432 पैकी मंजूर 1187 एकुण 1कोटी 29 लाख एक हजार रुपये ,तीळ अकरा शेतकरी पैकी मंजूर एक ही नाही. सोयाबीन 76 शेतकरी पैकी 76 शंभर टक्के मंजूर 10 लाख 61हजार तर भुईमूग 151शेतकरी पैकी 41मंजुर 1लाख 89 हजार रुपये , कांदा 53 शेतकरी पैकी 16 शेतकरी मंजूर 1 लाख 25 हजार रुपये. कापूस 5443 शेतकरी पैकी 2181शेतकरी मंजूर 5 कोटी 27 लाख 84 हजार रुपये असे एकूण 9517 शेतकरी पैकी 5759 शेतकरी ना लाभ मिळणार असून 9 कोटी 28 लाख 96 हजार रुपये मंजूर झाले आहे. लवकरच शेतकऱ्यांच्या खात्यावर जमा केले जाणार आहेत. म्हणुन शिंदखेडा तालुक्यातील शेतकऱ्यांनी नामदार दादासाहेब भुसे यांचेसह शिवसेना जिल्हाप्रमुख हेमंत साळुंखे यांचे आभार मानले असून यासाठी शिवसेना जिल्हा संघटक मंगेश पवार शिवसेना तालुका समन्वयक विनायक पवार माजी सभापती विश्वनाथ पाटील बेटावदचे राजू माळी आदींनी शेतकऱ्यांसाठी च्या विमा मिळाल्याने स्वागत केले आहे.
