भुसावळ (ओमशंकर रायकवार) राजस्थानातून जळगावकडे जाणारा तीन कंटेनर गुटख्याचा साठा डीवायएसपी साेमनाथ वाघचाैरे यांनी पथकासोबत पकडला. कारवाईत २ काेटी २७ लाख रुपयांचा गुटखा, १ कोटी २३ लाख रुपये किमतीचे तीन कंटेनर असा एकूण साडेतीन कोटींचा मुद्देमाल जप्त केला आहे. या प्रकरणी एकास अटक केली असून, अन्य कंटेनरचालक पसार झाले अाहेत.
शुक्रवारी डीवायएसपी साेमनाथ वाघचाैरे यांना गुटख्याबाबत गुप्त माहिती मिळाली होती. त्यामुळे वाघचौरे यांनी स्वत: भुसावळ-साकेगाव दरम्यान पाहणी केली. या वेळी साकेगावजवळील पेट्रोल पंपावर तीन कंटेनर उभे असलेले दिसले. या वेळी पाेलिस ताफा कंटेनरकडे वळताच कंटेनरचालक पसार झाले. मात्र, एका संशयिताला पकडण्यात पोलिसांना यश आले. तिन्ही कंटेनर डीवायएसपी कार्यालयाच्या अावारात पंचनामा करून जमा केले आहेत. या गुटखा नेमका कुणाचा याचा शोध सुरु आहे. या प्रकरणातील तिन्ही कंटेनरचालकांना ऐनवेळी मोबाइलवर सूचना मिळत होत्या. त्यामुळे कंटेनर कुठे जाणार होते. याची माहिती निष्पन्न झालेली नाही. पोलिसांच्या ताब्यातील संशयितालाही त्याबाबत माहिती नाही. सूचना मिळाल्यानुसार कंटेनर मार्गस्थ केले जात होते, अशी माहिती समोर आली आहे.
